مقطوعة شعریة من الفلاحیة

الریح المجنون
 

ابليله هندس يَن عليّه الريح
الدنيّه تمطر
العجد يصفر
والمرازيب العتيجه اتخر
ابهل رعيد
وين يعرفني سعيد
الملتوي ابکتر الحبيبه ومستريح
ابليله هندس يَن عليّه الريح
===========

الشاعر توفيق النصاري

الفلاحيّه - تاریخ النشر : ۱۷ / ۱ / ۹۱

ابوذیة من الاهواز

النصر نصه العزایم علمنصه ( العلم نصفه )

و یشاعر حِث مریده علمنصه ( علمه نصه )

أخبرک لَوَن تصعد علمنصه

تره ابذمتک شعب مشحون أذیه

 

اسماعیل الظبی - الأهواز

تاریخ النشر : ۲۱ / ۱۲ / ۹۰

ومضه أهوازیة

گبل کـارون چان ایغرگ البحور

و اذا یطفح یشیــــل ابزوده بلدان

جزاه الله المجاری هسه الف خیر

الماخلن یضــــل کارون عطشان 

کریم ابو قیس البدوی

تاریخ النشر: ۲۵/۱۰/۹۰

موال من المحمرة

یا صاح ذات الوفی من مي وفه شربها

عند الرفاگه ابد ما بینت شربها

و ربعي مثل طینتي یهتز غضب شربها

لو ثار ماو الحرب عدهم همم ما تکل

و ابمکیال عار الوکت للموت ابد ما تکل

من زاد ذله و هضم رغم العسر ما تکل

و المجد بصبع شرف لاهل المجد شربها

 

سید حسن الشریفي - المحمرة

تاریخ النشر : ۲۲ / ۱۰ / ۹۰

ابوذیات من الاهواز

دلیلی نار حب الوطن شعبي

و یدهری هل خبر للناس شعبي

رادوني ابیع ابرخص شعبي

و انا بالدم شریته القاط میه

***

هلي أسوار الوطن علو بناها

او دم اعله الارض سالت بناها

اعدانه اشحسّبت عمي بناها

نعوف اوطانه و نصبح رعیه

عبدالحسین الباوي

تاریخ النشر : ۲۲ / ۱۰ / ۹۰

 

ابوذیة من الفلاحیة

أمس جانه الوطن موطیف طفنه

و لبسنا احرامنا و حجاج طفنه

علی بیت النصر و ابسیر طفنه

و رَجِم شیطان رجمینا الدعیه

طاهر العاشوری - الفلاحیة

تاریخ النشر : ۲۸ / ۹ / ۹۰

ابوذیات من المحمرة

بچیت و عم علی روحي شربچاي

و بعت بچیي لچن محد شربچاي

ال أسولفه گعد یمّي شربچاي

و نسی کل الحچیته من القضیة

طاهر السلامي

 

لا عین أبصرت ع الحگ و لاذان

عدهم تسمع المصحف و لاذان

غزتنا افکار غي حاقد و لاذان

ابکتر جاهل و لا یمّک وعیه

سید حسن الشریفي

تاریخ النشر : ۹ / ۹ / ۹۰

بیت ابوذیة اهوازی

نزف دمنا اعله چف الگاع و احنا

و تدری اشصاب ظهر المجد و احنا

الشعوب اسباع و تحررت و احنا

واحدنه سبع لو کظ اخیّه

سعید سلمان - الاهواز

تاریخ النشر : ۲۸ / ۸ / ۹۰

ابوذیة من الاهواز

لا حگ لا حلگ ینفتح لاذان

و لا صوت ارتفع للمجد لاذان

اسیوف الطبرن ابعِز تظن لاذان

ابغمد ذل من عگب ذیچ الحمیه

 اسماعیل الظبّی

 تاریخ النشر : ۲۸ / ۸ / ۹۰

ابوذیة اهوازیة

یصاحب کله ظیم ابظیم فاتل ..

عمر و حبال احل ما یوم فاتل

العدو ما فت دلیلی الاخو فاتل ..

دلیل ابچف سلامه و غدر بیه

شیخ جمال چاسب الحزباوی

تاریخ النشر : ۱۹ / ۷ / ۹۰